Шкријељ: Градинките ќе бидат отворени кога ќе биде безбедно, дотогаш важат уредбите на Владата
Комисијата за заразни болести и Владата работат на протокол со кој ќе се овозможи повторно отворање на градинките и нивно безбедно функционирање, рече денеска на прес-конференција дополнителната заменик министерка, Санела Шкријељ.
Таа одговарајќи на новинарско прашање истана дека првиот приоритет и на Министерството и целосно на Владата ќе биде грижата за зачувување на здравјето како на децата, така и на вработените во градинките.
-Во секој случај, сакаме да порачаме дека децата нема да останат незгрижени. Значи, услугите кои стојат на располагање дали значат отворање повторно на градинките или продолжување на мерките што се уште важат, а тоа е ослободување од работа и работни активности на родител кој се грижи за дете што посетувало градинка или дете до 10-годишна возраст, се уште се во сила и тие продолжуваат да важат, рече дополнителната заменик-министерка за труд и социјална политика.
Исто така, продолжува да важи и Уредбата за пролонгирање на породилното отсуство на сите мајки на кои породилното отсуство им завршува сега за времетраење на вонредната состојба.
-Повторно ќе порачаме дека децата нема да останат незгрижени, а самата одлука кога ќе се случи отворањето на градинките ќе се донесе земајќи ги предвид првенствено здравјето и безбедноста на нашите деца, истакна Шкријељ.
Ново на Сител
-
Без вода утре корисниците од „Мишко Михајловски“ и дел од „Франклин Рузвелт“
-
23-годишен гостиварец лажно пријавил дека му извадиле нож, поденесена му е кривична пријава
-
ЈО: Материјалот за случајот со поранешната министерка за култура е пристигнат и се проучува
-
Папата го прогласи 7 октомври за ден на пост и молитва за мир
-
Борис Кондарко избран за претседател на ДИК
-
Во Србија поголемиот број училишта не работеа, протест на просветните работници
-
Приведено лице барано со потерница за затворска казна од пет години
-
Украла пари од домот на 74 годишна жена, приведена прилепчанка