Шифрин подготвена за СП во Оре

Микаела Шифрин (23) победи на трката во слалом, која во рамките на Светскиот куп се возеше во Марибор. Американката сезонава има 13 победи, шест од нив се во слалом.

Шифрин, во Марибор, уште еднаш доминираше над конкурентките, победувајќи со 77 стотинки подобро време од Швеѓанката Ана Ларсон, односно секунда и 15 стотинки пред Швајцарката Венди Холденер.

Американката сега има 56 победи во кариерата, вкупно 38 остварила во слалом.

Микаела Шиврин вчера во велеслалом го подели првото место со Петра Влхова.

Слаломот во Марибор е последна трка во женска конкуренција пред почетокот на Светското првенство, кое од 5 до 17 февруари ќе се одржува во Оре, Шведска.