Шекеринска: Не ја занемаруваме опасноста од радикализирани структури и подготвени сме веднаш да реагираме
Во овој момент нема причини за загриженост од присуството на невладини организации во земјава поврзани со Иран, бидејќи Македонија не им е точка на интерес, изјави министерката за одбрана Радмила Шекеринска, додавајќи дека нашите дипломатски односи со Иран се многу скромни, но не се толку комплицирани како нивното отворено прашање со Албанија.
Сепак, потенцира таа, во „Утрински брифинг“ на Слободна ТВ, никогаш не смееме да ја елиминираме опасноста од радикализирани исламистички структури кои се враќаат од тамошните фронтови. И земјва и целиов регион, светот, нагласи Шекеринска, живее со опасноста од тероризам.
– Ако во еден момент помислите дека тоа им се случува на некои други ќе се разбудите шокирани и непријатно изненадени, бидејќи светот живее под притисок од тероризмот. Кај нас е специфично бидејќи сме поблиску и поради овие присуства и влијанија во целиот регион. Затоа и работиме на програми на ресоцијализација и менаџирање на сите тие повратници, но акцијата на нашето МВР во 2018 докажа дека ситуацијата се следи, се реагира секој пат кога постои било каква опасност, изјави Шекеринска.
Таа информира дека најголем дел од земјите не ги повлекоа војниците од Ирак, туку ги преместиле во Кувајт, со план дека тоа е само времено.
– Мисијата во Ирак е важна мисија, но таа не е борбена. По нападот и убиството на иранскиот генерал имаше дебата и во нивниот Парламент. Присуството на НАТО во целиот регион е резултат на кризата, изјави министерката Шекеринска во гостувањето на Слободна ТВ.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија