СЕХА лига: Вардар без проблеми со Нексе

Ракометарите на Вардар остварија нова победа во СЕХА лигата откако вечерва на гостувањето кај Нексе славеа со 36:29 (17:14). Ова за „црвно-црните“ беше втора победа на двете гостувања одиграни вчера и денеска.

Вардар водеше во текот на целиот натпревар, пред се благодарение на одличниот почеток и водството од 6:0 и од 11:4. Сепак во финишот на првиот дел домаќинот успеа да намали. Во второто полувреме „вардарци“ успеаја да го исконтролираат резултатот и да ја забележат 13.та победа во шампионатот.

Најефикасен на дуелот беше Лука Циндриќ со 11 голови, додека Тимур Дибиров постигна 8.

Вториот македонски претставник во ова натпреварување Макс Струмица попладнево убедливо загуби на гостувањето кај шампионот Веспрем со 50:16, додека Мешков Брест на третиот дуел одигран денеска победи на гостувањето кај Татран Прешов со 28:23.

Табела: Вардар 40 бодови, Веспрем 37, ППД Загреб 30, Мешков Брест 27, Татран Прешов 27, Нексе 21, Војводина 11, Борац 10, Спартак 10, Макс Струмица 2.