Седница на Уставен суд
Уставниот суд на денешната седница поведе постапка за оценување на уставноста на член 51, став 1 во делот 2 од Законот за вршење на работи за застапување во царинските постапки.
Оваа законска одредба предвидува лицата кои се стекнале со лиценца за вршење на застапување во царинските постапки до денот на влегувањето во сила на овој закон (до 2014 г.) се должни во рок од една година од влегувањето во сила на овој закон да ги исполнат условите од член 7, став 2 и став 3 од истиот закон и да поднесат барање до Царинската управа за издавање на лиценца согласно овој закон.
Оспорениот став 1 во делот 2 од оваа законска одредба предвидува на лицата кои нема да постапат согласно став (1) на овој член ќе им престане важноста на издадената лиценца и ќе треба во рок од осум дена од истекот на рокот од став 1 на овој член да ја врати издадената идентификациска картичка (легитимација на лиценциран застапник).
Судот ја отфрли иницијативата за оценување на уставноста и законитоста на делот: „Државната комисија за одлучување во управна постапка и постапка од работен однос од втор степен“ од членот 84, став 3 од Законот за култура.
На денешната седница судиите не поведоа постапка по иницијативата поднесена на одредби од Законот за дополнување на Законот за високото образование од 2013 година, како и по иницијативата поднесена на член 74 од Правилникот за условите, критериумите и правилата за запишување и студирање на прв циклус студии на Универзитетот „Св.Климент Охридски“ – Битола.
Ново на Сител
-
Минчев: Наследството од народното востание потсетник да ја поддржуваме слободата, правдата и еднаквоста
-
Средба Зеленски - папа Франциск
-
Добитник на Нобеловата награда за мир е организација на преживеаните од атомските бомбардирања на Хирошима и на Нагасаки
-
Путин: Неопходен е нов светски поредок
-
Најмалку четворица загинати при руски напад врз регионот Одеса
-
Приведен албански државјанин за незаконит риболов
-
Тројца дилери приведени во Скопје
-
Димитриевски: Сите граѓани да имаат еднакви права при вработување, суштински да се заложиме за квалитет