Се уште активен пожарот меѓу селата Ореше и Папрадиште во општина Чашка
Се уште е активен шумскиот пожар меѓу планинските села Ореше и Папрадиште во реонот на Азот во Општина Чашка.
- Во гаснење на пожарот, во кој гори мешана дабова и букова шума, од утрово од 7:30 часот се вклучени и два хеликоптера, а гаснат и мештаните од двете села и екипи на Шумското стопанство „Бабуна“ од Велес, информираат за МИА од Регионалниот центар за управување со кризи Велес.
Овој реон каде гори шумата е во срцето на Азот, богат со шуми и природни убавини во Општина Чашка веднаш под Солунска глава. Азот, а посебно селото Папрадиште е најпосетувано од домашните и странски туристи и планинари. Во овој реон има цркви и манастири со конаци.
Овој шумски пожар вчера во 12 часот бил пријавен преку 112 за итни повици. Вчера освен вработените од ШС „Бабуна“ и месното население гаснела и екипа пожарникари од Територијалната противпожарна единица Велес.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари