Се судрија прокинеските и продемократските демонстранти во Хонг Конг

Во Хонгконг денеска избија судири меѓу приврзаниците на Кина и демонстрантите кои бараат демократски реформи во оваа полуавтономна кинеска територија, јавија американските медиуми.

Стотина прокинески демонстранти во зионата Амоу, во густо населениот дистрикт Ковлун, ја пееја кинеската национална химна и вееја знамиња и извикуваа пароли со поддршка на матичната земја.

Опозициските демонстранти набрзо се собраа на истото место , а тензиите нараснаа кога двете групи почнаа да се обвинуваат меѓусебно, пренсуаваат американските медиуми.

Ситуацијата стана хаотична кога двете групи почнаа да си разменуваат удари, а полицијата интервенираше и приведе неколку лица.

Продемократските активисти во Хонгконг планираат денеска да заземат неколку шопинг центри, откако изминатата ноќ во текот на протестот формираа човечка верига и носеа светилки.