Се гради Модуларен ковид центар со 90 кревети во Клиничка болница-Битола
Градежна механизација од Битола почна со подоготовка на терен со површина од 1.000 квадратни метри каде ќе бидат поставени три модуларни градби, нов ковид центар за сместување на пациенти инфицирани од вирусот корона.
Модуларниот ковид центар ќе биде на јужната страна од дворот на Клиничка болница-Битола со две модуларни градби кои ќе содржат интегриран тријажен центар со стационар и една модуларна градба со независен тријажен центар со капацитет од 90 кревети.
-Со цел интервентно да се одговори на потребата за проширување на здравствени капацитети и да се овозможи организација на просторот, во рамки на парцела на Клиничката болница, почна подготовка за поставување на модуларен Ковид центар, проект кој го реализираат Министерството за здравство и Општина Битола. Планската документација ја изработија општинските служби, локалната самоуправа се вклучи и во расчистување на теренот со ангажирана механизација на јавните претпријатија, а од денеска се врши рамнење на теренот, информираа од Општина Битола.
Со новиот Ковид центар кој ќе работи во состав на регионалниот ковид центар, ќе се овозможи дополнителен капацитет за прием и тријажа на ковид пациенти.
Во моментов, на инфективното одделение во Битола на болничко лекување се 70 лица инфицирани од Ковид-19, а во текот на ноќта животот и борбата со коронавирус ја загубија три лица, жители на општините Демир Хисар, Ресен и Новаци.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево