СДСМ: Не постојат никакви пречки веднаш да се додели мандатот за влада

СДСМ оценува дека не постојат никакви пречки веднаш да биде доделен мандатот за нова влада и оти повеќе претседателот Ѓорге Иванов нема никакви изговори за да ја исполни својата уставна обврска.  

- Државен интерес на граѓаните на Р. Македонија е да добијат влада како што изгласаа којашто ќе ја придвижи земјата напред во евро-атлантските процеси и ќе обезбеди квалитетен живот за сите и тоа ќе се случи. Ќе биде реафирмирана и програмата на новата реформска влада што ја гарантира унитарноста и независноста на државата, наведува СДСМ во денешното соопштение.

СДСМ смета дека е потребно итно смирување на политичката и економската состојба во државата и оти секое спротивставување на мирниот трансфер на власта повлекува одговорност.

- Ги повикуваме сите во државата конструктивно да се вклучат во демократските процеси, што се незапирлив процес, се вели во соопштението.