СДСМ: Членството во ЕУ и НАТО е врвен државен интерес, ВМРО ДПМНЕ да ги поддржи интеграциските процеси
Членството во ЕУ и НАТО е клучен стратешки приоритет на Република Македонија, се наведува во пишаната реакција на СДСМ на денешната прес-конференција на Владимир Ѓорчев од ВМРО-ДПМНЕ.
Владата предводена од СДСМ, се вели во реакцијата, има за цел да ги отпочне преговорите за членство што е можно побрзо и посветено ќе работат на отворање на евро-атлантските перспективи преку отворен дијалог со опозицијата, стручната јавност и граѓанското општество.
- Неопходно е сите, вклучително и ВМРО-ДПМНЕ, да се однесуваат конструктивно, да дадат поддршка на интегративните политики и активно да работат за целосна интеграција на Македонија во ЕУ и НАТО, што е врвен државен и граѓански интерес, се вели во реакцијата на СДСМ.
СДСМ во реакцијата, наведува дека Македонија предолго е земја кандидат за членство во НАТО и ЕУ и крајно време е овој процес да се придвижи нанапред.
- ВМРО-ДПМНЕ имаше 11 години за да ги придвижи интеграциските процеси и да работи на полноправно членство на Македонија во ЕУ и НАТО. Но спротивно од тоа, ВМРО-ДПМНЕ со години работеше на изолација на Македонија и спротивно на државните и интересите на граѓаните, ги кочеше евро-атланстките интеграции, се вели во реакцијата на СДСМ.
Ново на Сител
-
Скопјанка измамена за сума од 17.300 евра откако на телефон и јавиле дека нејзината внука направила сообраќајка
-
Утре посебен сообраќаен режим во Скопје поради одржување на атлетска трка
-
Прекин во снабдувањето со електрична енергија во јужна Франција
-
СДСМ: Вистината за „Онкологија“ излезе на виделина
-
Наставник во средно училиште во Чаир нападнат од свој поранешен ученик
-
Тетовчанец, управител на приватна фирма, измамен за сума од 145.360 долари
-
Потешкотии во мобилната телефонија на А1
-
Едно лице почина откако со товарно возило излетало од патот и се забило во заштитна ограда