СБ на ОН има пет нови непостојани земји-членки

Советот за безбедност на Обединетите нации од денеска има пет нови непостојани земји-членки со двогодишен мандат.

Новите непостојани земји-членки се Египет, Сенегал, Јапонија, Уругвај и Украина. Тие ќе ги заменат Чад, Нигерија, Јордан, Чиле и Литванија.

СБ има 15 земји-членки од кои пет се постојани - Франција, Велика Британија, САД, Кина и Русија, а 10 се избираат на период од две години, но секоја година се менуваат пет членки.

Непостојаните членки се избираат по регионален принцип - непарните години во СБ влегуваат по една земја од Африка, од Азија и од Јужна Америка и две од групата западни држави, а парните години по две земји од Африка и по една од Азија, од Јужна Америка и од Источна Европа.