САД размислува за поставување артилерија во Јужното Кинеско Море

Во момент на зголемени тензии во Јужното кинеско море, американската војска ја разгледува можноста за испраќање мобилни артилериски единици во тој регион.

Изминатиот викенд американскиот претседател Барак Обама изјави дека неговата администрација ќе продолжи да не се согласува со територијалните барања на Пекинг во Јужното Кинеско Море.

- Сметаме дека Кина се придржува кон стариот принцип „посилниот е секогаш во право“, наместо со соработка во рамки на меѓународното право и норми да поставува барања и да ги решава споровите, истакна Обама.

САД и нивните сојузници во Пацификот ја обвинија Кина за изградба на вештачки острови во чувствителни морски делови, со цел да се создадат зони за воздушна одбрана во тоа спорно водно подрачје.