Руските дипломати го напуштаат конзулатот во Сан Франциско, остри реакции од Москва
Руското Министерство за надворешни работи ги обвини американските власти за директно кршење на имунитетот на руските дипломати со планираниот претрес на конзулатот во Сан Франциско, кој денеска ќе го изврши ФБИ.
Портпаролката на руското МНР, Марија Захарова вчера изјави дека ќе биде извршен претрес и во становите на вработените во рускиот конзулат.
САД и наложија на Русја најдоцна до денес да го затвори својот конзулат во Сан Франциско, како и два објекта во Њујорк и Вашингтон, како одговор на тоа што Москва го намали американскиот дипломатски персонал во Русија.
- Барањето на американските власти претставува дирекна закана за безбедноста на руските државјани, истакна Захарова.
Таа нагласи дека „САД продолжуваат со влошување на веќе тензичната атмосфера во дијалогот со Русија со преземање на вакви акции“.
- Остро се спротивставуваме на потегот на Вашингтон со кој се игнорира меѓународното право, а како што е вообичаено во дипломатската пракса, ние го задржуваме правото да возвратиме. Тоа не е наш избор, туку сме принудени, додаде Захарова.
Претходно шефот на руската дипломатија Сергеј Лавров изјави дека Москва подготвува „жесток одговор“ на одлуката на САД да го затвори конзулатот.
- Ќе подготвиме остар одговор на ваквите изненадувања кои имаат цел да ни наштетат и да ги загрозат нашите односи со САД, нагласи Лавров.
Руските дипломати веќе почнаа да ја напуштаат зградата на конзулатот во Сан Франциско. Тие изнесувале картонски кутии од објектот и ги ставале во автомобили. Неколку часа претходно црн густ чад се појави од оџакот на конзулатот, но руските службеници не им дозволиле на пожарникарите да влезат во зградата. Според некои западни медиуми, во каминот на конзулатот се палеле неидентификувани предмети.
Ново на Сител
-
TикТок поднесе жалба до Врховниот суд на САД за да избегне забрана во земјата
-
Груби ќе се врати во Македонија само ако оди во куќен притвор наместо затворски
-
На четворица од осомничените за „Лотарија“ одземени пасошите, за Груби и Бајрами ќе се одлучува дали ќе има притвор
-
Хрватска ДИК: Се постари се пријавуваат за кандидати за претседател на државата
-
Групацијата 4iG до АЕК доставила писмо за намери за нов мобилен оператор
-
Николоски: Со нов Правилник ќе го зголемиме квалитетот и кванитетот на велосипедските патеки, за следната година ќе предвидеме и субвенции за нови велосипеди
-
Украински медиуми: Рускиот генерал Кирилов е убиен од СБУ
-
Протест на родители пред ООУ „Љупен Лапе“ во Аеродром, бараат да се реши проблемот со небезбедната крстосница