Руски нуклеарни бомбардери во близина на Алјаска
Министерството за одбрана на Русија соопшти дека во рамките на вежбата испратени се два авиони бомбардери Ту-160 на рускиот Далечен Исток, наспроти американската сојузна држава Алјаска.
„Росијска газета“ објави дека летот на бомбардерите, кои можат да носат нуклеарно оружје, ја потврдува способноста на руските сили да распоредат бомбардери на 20 минути оддалеченост од САД.
– Оддалеченоста од Анадира до Алјаска е помалку од 600 километри, што значи дека за Ту-160 доволни се 20 минути, вклучително полетувањето и достигнувањето висина, наведува „Росијска газета“.
Весникот додава и дека од авионите можат да бидат лансирани ракети врз цели во САД без да го напуштат воздушниот простор на Русија.
Во соопштението на руското Министерство за одбрана се наведува дека бомбардерите поминале повеќе од 6.000 километри за осум часа од својата база во западна Русија до Анадира во регионот Чукотка, наспроти Алјаска.
Стратешкиот бомбардер Тупољев 160, кој во Русија го нарекуваат Бел лебед, а НАТО – Блекџек е супресоничен авион од советска ера и може да носи до 12 нуклеарни глави со краток дострел и да лета 12.000 километри без дополнување гориво.
Во воената вежба учествуваат околу десет Ту-160 и Ту-95МС и Илјушин 78.
Ново на Сител
-
Кривична пријава за жител на село Могорче за тешка кражба и оштетување туѓи предмети
-
„Балансерот“ утре на седница на Уставниот суд
-
Мој Народе - Ново од групата Меморија
-
МВР: Претрес во Куманово, приведен дилер, пронајдена дрога
-
ЦУК: Вкупно 1.704 повици на 112, четири пожари на отворено и апел за редовно чистење на локалните одводни канали
-
Состанок на Постојаната експертска група за болеста африканска чума кај свињите
-
Регистрирани се нови 57 случаи на Ковид, како последица на вирусот починале четири лица
-
ЈП Комунална хигиена - Скопје: Oтстранети диви депонии на пластичарска улица и во населбата Топаана