Русија се надева дека Трамп нема да направи „фатална грешка“ со Венецуела

Руското Министерство за надворешни работи денеска изрази надеж дека администрацијата на американскиот претседател Доналд Трамп нема да направи „фатална грешка“ со Венецуела.

„Се надеваме дека администрацијата на Доналд Трамп, која се карактеризира со рационален и прагматичен пристап, нема да направи фатална грешка“, соопшти министерството, изразувајќи ја загриженоста на Москва за одлуките на САД за кои Русија вели дека го загрозуваат меѓународниот превоз.

Министерството нагласи дека Венецуела е пријателска земја за Русија и изрази надеж дека САД нема да се вклучат во ситуација што би имала „непредвидени последици за целата западна хемисфера“.

Во вторникот, Трамп нареди „блокада“ на сите санкционирани танкери за нафта што патуваат до и од Венецуела, бидејќи Вашингтон се обидува да го зголеми притисокот врз владата на Николас Мадуро.

Бродови натоварени со милион барели нафта седат во венецуелските води за да се избегне ризикот да бидат запленети од САД.

- Русија го поддржува курсот на „владата на Мадуро, насочен кон заштита на националните интереси и суверенитетот на татковината“, се нагласува во соопштението.

МИА