Русија кон МВС лансира модернизиран вселнски брод со руско-американск-јапонски екипаж
Руска ракета-носител утринава успешно беше лансирана од космодромот Бајконур кон Меѓународната вселенска станица, со првиот вселенски брод од новата серија „Сојуз МС“, во кој се наоѓаат тројца космонаути - Русин, Американка и Јапонец, пренесе ТАСС, цитирајќи ја прес службата на државната руска корпорација „Роскосмос“.
Неколку минути по лансирањето бродот се оддели од третиот степен на ракетата-носител „Сојуз-ФГ“ и го зазеде курсот кон МВС. Се очекува во сабота наутро тој да се закачи за рускиот сегмент на станицата.
Модернизираниот вселенски брод кон МВС ги однесе Русинот Анатолиј Иванишин, Американката Кетлин Рубенс и Јапонецот Такуја Ониси. За Рубенс и Ониси ова е прв вселенски лет, додека за Иванишин - втор. Русинот во вселената леташе и во 2011-2012 година и тогаш таму мина 165 деноноќиа.
Модифицираниот брод „Сојуз МС“ е резултат на целосната модернизација на бродовите од серијата „Сојуз ТМА-М“. Располага со нов командно-телеметриски систем, нов систем за доближување и закачување и со друга посовршена опрема. Во бродовите од новата серија има и подобрен систем за електронапојување, а сончевите батерии се помоќни.
Првото лансирање на новиот брод требаше да се одржи уште во мај, но повеќепати беше одложувано од различни причини.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени