Русија изврши прв постсоветски вежбовен лет преку Северниот пол до САД

Русија за првпат по советскиот период извврши воен вежбовен лет преку Северниот пол до Северна Америка, изјави денеска министерот за одбрана Сергеј Шојгу.

Во говорот пред високите воени команданти, Шојгу рече дека летот е изведен од руски противподморнички авион. 

Тој не соопшти кога тоа се случило, но неговата објава е во момент на големи поморски воени вежби кои ги изведуваат САД и Велика Британија во Артичкиот круг во време на зајакната напнатост меѓу Западот и Русија поради труењето на двојниот агент Сергеј Скрипал на тло на Велика Британија. 

Воените вежби под име Exerciѕe 18 (ICEX) ги предводи САД, а ги  координира Арктичката подморска лабораторија на американската морнарица. Во вежбите учествува една британска нуклеарна подморница и две американски.