Масовен напад врз Москва - Украина ноќеска ја нападна руската метропола со 862 дрона

Градоначалникот на Москва Сергеј Собјанин утрово изјави дека ноќеска беше направен обид за напад со украински дронови врз главниот град, како еден од најмасовните оваа година.

Според Собјанин, од синоќа до утрово во Московскиот регион биле испратени 862 беспилотни летала.

Силите за воздушна одбрана ги неутрализирале повеќето беспилотни летала што се приближувале кон регионот, додека 170 беспилотни летала биле соборени при приближувањето кон руската престолнина, пренесуваат руските медиуми.

Претходниот голем напад со беспилотни летала во Москва се случи ноќта помеѓу 28 и 29 октомври, кога биле испратени приближно 613 дрона.

Коментирајќи го најновиот напад, портпаролот на Кремљ, Дмитриј Песков, рече дека е „невообичаено“ што Киев се обиде да изврши напад со беспилотни летала врз Москва за време на самитот Русија-Африка.

Голем напад со беспилотни летала врз руската престолнина од почетокот на есента беше регистриран во ноќта меѓу 19 и 20 септември, кога, според соопштението на руските воени власти, биле уништени околу 1.600 беспилотни летала, од кои 450 биле насочени кон Москва.

МИА