Русија и Кина ставија вето на резолуцијата на СБ на ОН за примирје во Алепо

Русија и Кина ставија вето на резолуцијата на Советот за безбедност на ОН, со која се бара седумдневно примирје во сирискиот град Алепо, за што Русија тврди дека со тоа ќе им се овозможи на бунтовниците да се прегрупираат и потребно е време за разговори меѓу Вашингтон и Москва.

Ова е шести пат Русија да стави вето на резолуција на СБ на ОН од 2011 година, а петти пат Кина да блокира таква акција.

Венецуела, исто така, гласаше против резолуцијата, која ја поднесоа Нов Зелан, Египет и Шпанија, додека Ангола се изјаснила воздржано.

Останатите 11 држави членки на Советот за безбедност на ОН ја поддржале резолуцијата.