-->
-->
Руни одбил богатство од Шангај?!
-->
Вејн Руни во јануарскиот преоден рок одбил понуда од Кина, а колумнистот на Daily Mail, Пирс Морган, тврди дека се работи за бројка со девет цифри! Шангај, кој од клупата го предводи поранешниот англиски селектор Свен Ериксон, на Руни, со платен данок за тригодишен договор, му понудил 100 милиони евра, но напаѓачот ја одбил понудата.
„Телефонот ми ѕвонеше во 11 часот навечер, на линија беше капитенот на Англија Вејн Руни. Сакаше да разговараме за неговата иднина во Манчестер Јунајтед и за плановите во летниот пeриод. Го прашав за неверојатната понуда од Кина, тој ми рече дека сé што сум слушнал е вистина. Кога го прашав за колкава сума пари се работи, тој само се насмеа. Откри дека се работи за тригодишен договор и дека со платен данок се работи за сума со осум нули!“, напишал Морган.
Новинарот верува дека Руни ќе остане во Манчестер Јунајтед барем уште една сезона, а можеби и две. Тој во Јунјатед годишно заработува 17,5 милиони евра.
Руни поради повреда веќе шест натпревари не конкурира за место во тимот, а во тимот треба да се врати на почетокот од наредниот месец. Во меѓувреме тој ќе ги пропушти двете средби со Ливерпул, во осминафиналето во Лига Европа, дуелот со Вест Хем во ФА купот, градското дерби со Сити во Премиерлигата и контролните натпревари кои Англија ќе ги одигра против Германија и Холандија.
-->
-->
-->
Ново на Сител
-
Јавниот обвинител дава отчет пред пратениците за работата во 2023
-
Енергетиката и инфраструктурата во фокусот на средбата Мицкоски - Вучевиќ во Скопје
-
Мицкоски ќе испрати писмо со институциите на ЕУ, Филипче бара затворена собраниска седница
-
Блерим Беџет: Коалицијата на ДУИ е стабилна - Арбен Таравари: ДУИ треба да се адаптира и реформира
-
Истражување на ЕПИ: Надворешната политика е важна за граѓаните, но тие не се доволно информирани
-
ДСЗИ и стручна комисија го испитуваат случајот со смртта на 14 – месечното дете на Детската клиника
-
Државната статистика пресмета 2,6% инфлација во септември – најголемо е поскапувањето на зеленчукот
-
Mицкоски: Ваучер од 250 евра за комјутер или телефон за сите студенти