Рударска несреќа во Тораница: Тешко повредени двајца тудари

Вчера околу 14.40 часот во Здравствен дом Крива Паланка за укажување на лекарска помош биле донесени лицата В.М.(41) од село Дурачка река и Н.С.(40) од Крива Паланка, рудари во рудникот Тораница, соопшти МВР.

В.М. по укажана лекарска помош е пренесен во Комплекс клиники „Мајка Тереза“ во Скопје за понатамошно лекување додека кај Н.С. биле констатирани телесни повреди и е задржан за понатамошно лекување во Здравствен дом Крива Паланка.

Според пријавеното, лицата се здобиле со повреди при вршење на ископ во рудникот, каде се одронил материјал - руда.

Извршен е увид на местото на настанот од страна на полициски службеници, трудов инспектор, државен рударски инспектор и претставници од рудникот.

Во август година во овој рудник со кој управува бугарски „Минстрој“ еден рудар почина при одрон на камења во ископната јама на рудникот.