Рекордна реализација на буџетот на општина Гевгелија во 2015

Годината што измина во општина Гевгелија ќе се памети по највисоката, рекордна реализација на оновниот буџет од преку 200 милиони денари, информира денеска градоначалникот Иван Франгов.

Тој посочи дека во изминатите десетина години највисока реализација на основниот буџет на општина Гевгелија во висина од 89,4 милиони денари била забележана во 2008 година која се смета за економски најповолна.

- Значајно е да се потенцира дека над 200 милиони денари основен буџет се реализирани без никаква дополнителна давачка за граѓаните и тоа во година кога се соочивме со бегалската криза и други непредвидени трошоци, рече Франгов и нагласи дека ова е најдобра гаранција за остварување и на новата буџетска рамка во 2016 година во која основниот буџет е проектиран на 476 милиони денари.