Реконструиран дел од регионалниот пат од Виница кон село Бигла
Градежната механизација на ЈП „Македонија пат“ ја заврши реконструкцијата на 2,2 километри на регионалниот пат од Виница кон Делчево преку селото Бигла. Со тоа оваа делница од виничка страна е комплетирана во вкупна должина од 8,6 километри.
– За краток временски период преасфалтирани се последните два километри на територијата на нашата општина, со што целосно е оспособен регионалниот пат кон Делчево и Бугарија. Инвеститор на реконструкцијата е ЈП за државни патишта, кое првично обезбеди 52 милиони денари, а дополнително беа одобрени уште 16 милиони денари за новата делница меѓу селата Трсино и Трстија. Со реконструкцијата е направено и проширување на коловозот од три на пет метри со што значително е подобрена безбедноста за сите учесници во сообраќајот, информира Ивица Димитров, градоначалник на Виница.
На крајот на минатата година беа реконструирани 6,5 километри од патот, на делницата од манастирот „Св.Спас “ до пропустот кај село Трстија, за што беа обезбедени 62 милиони денари.
По завршувањето на градежните работи од виничката страна, останува да се доасфалтираат околу 3,5 километри од правецот на Делчево, односно меѓу селата Бигла и Трстија.
Регионалниот патен правец Виница – Делчево е долг 14 километри и се користи како алтернативно сообраќајно поврзување, пред сè, поради забраните за сообраќај поради одроните на карпи на магистралниот пат А3 преку Македонска Каменица.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп