Радев: Бугарите во Македонија мора да имаат еднакви права со оние на другите граѓани на земјата
Бугарскиот претседател Румен Радев повикува на навремена реакција од одговорните институции во Бугарија и во Македонија на сигналите на нашите сонародници од нашиот југозападен сосед за важните проблеми со кои се соочуваат, објави прес-службата на шефот на државата.
Позицијата на претседателот Радев е мотивирана од писмото добиено во претседателството од етнички Бугари од Македонија, во кое тие изразуваат загриженост за нивната континуирана дискриминација во Македонија.
Според Радев, почитувањето на слободното право на самоопределување на нашите сонародници, наведуваат медиумите, кои и покрај сите репресии во тоталитарното минато, го зачуваа и отворено го искажуваат својот бугарски национален идентитет, претставува клучен чекор во развојот на добрососедските односи.
-Повеќе од сто илјади граѓани на Република Македонија имаат бугарско државјанство, стекнато врз основа на слободна волја и документарно потврдување на нивното бугарско етничко потекло. Илјадници други се во процес на разгледување на нивните апликации за бугарско државјанство. Очекуваме овие објективни факти да најдат израз во спротивставувањето на официјалните власти во РМ против алармантните димензии на говорот на омраза кон Бугарија и Бугарите во РМ, се наведува во ставот на претседателот. Бугарите во Република Македонија мора да имаат еднакви права со оние на другите граѓани на земјата во согласност со највисоките светски и европски стандарди. Овој основен принцип на демократија е вграден во духот на Договорот за пријателство, добрососедство и соработка меѓу двете земји од 2017 година, истакна шефот на бугарската држава.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден