Радев: Ако има нарушување на дијалогот во владејачката коалиција за спорот со С Македонија треба јасно да се каже
Колку повеќе бугарската Влада се придржува до официјалната бугарска позиција изнесена во документите усвоени од Народното собрание и на последниот состанок на Консултативниот совет за национална безбедност, толку повеќе Владата на Кирил Петков го слуша гласот на Бугарите во Бугарија и во Северна Македонија, смета бугарскиот претседател Румен Радев.
Шефот на бугарската држава ова денеска го изјави пред новинарите, откако бугарскиот премиер Кирил Петков во петокот, го повика да свика седница на Консултативниот совет за национална безбедност на тема Северна Македонија.
Во врска со тоа дали има промени во позициите на европските партнери и дали има напредок во исполнувањето на Договорот за добрососедство од страна на Северна Македонија, Радев истакна дека за овие прашања треба да чуе од премиерот. Нагласи дека прво ќе го слушне ставот на Петков за Северна Македонија, но не прецизираше дали ќе свика седница на Советот.
-КСНС е орган за помош во дијалогот и за барање на заедничко решение за важни национални прашања. Во однос на Република Северна Македонија не само што има широк консензус, туку тој е силно изразен. Властите треба да се на чисто со ова. Доколку дијалогот во самата владејачка коалиција е нарушен, тоа треба јасно да се каже и да се посочат причините за тоа, рече Радев.
Тој изјави дека ќе продолжи да работи во насока на почитување на правата на граѓаните со бугарска самосвест во Северна Македонија. Според Радев, на Бугарија и треба стабилност, транспарентност и принципиелно владеење.
Ново на Сител
-
Елена Петрова нов директор на УЈП, Бобан Николовски на Царинската управа
-
Струјата во Турција од 1 јули ќе се зголеми за 38 отсто
-
Приведен крадец баран со потерница
-
ИНСТАТ: Во Албанија живеат 2.281 Македонец, 7957 се попишани како Бугари
-
Ќе се дигитализираат 20 нови услуги во првите 100 дена од работата на Владата
-
Се испуштаат агресивни кучиња во Битола, општината побара помош од МВР и АХВ
-
Викендов сончево и топло, од вторник услови за невреме
-
Македонска влада за Мицотакис: Не е точно дека го прекршуваме договорот Преспа, Брисел да не оценува по реформите