Путин се сретна со Додик во Москва

Претседателот на Република Српска (РС) Милорад Додик денеска во Москва се сретна со претседателот на Русија Владимир Путин.
„Само што имав средба со претседателот на Руската Федерација, Владимир Путин. Ова е наша 26-та средба“, напиша Додик на социјалната мрежа Х, каде што објави и видео од средбата со Путин.
Тој додаде дека Русија е многу важна земја за РС, во рамките на Советот за безбедност на ОН, нагласувајќи дека Русија „отсекогаш била објективна“.
„Русија е гарант на Дејтонскиот мировен договор и тоа го кажа Путин на средбата. Тој додаде дека во тие рамки Русија ќе се залага за крај и прекин на работата на меѓународните институции, особено на лажниот висок претставник, односно, како што вели, нелегитимниот претставник“, рече Додик.
Тој, исто така, рече дека „Путин ги знае деталите и севкупната ситуација што се случува во нашата земја“, додавајќи дека рускиот претседател „се интересира за нешто што го прашува обичниот човек овде. Го интересирале деталите, што правиме и како го правиме тоа“, заклучил Додик.
На официјалната веб-страница на Кремљ беше објавено дека на средбата меѓу Путин и Додик присуствувале и помошникот на рускиот претседател Јуриј Ушаков, министерот за наука и технолошки развој и високо образование на РС Жељко Будимир и шефот на претставништвото на РС во Русија Душко Перовиќ.
Судот на БиХ на 27 март побара од Интерпол да распише црвена потерница за Додик и претседателот на Парламентот на РС, Ненад Стевандиќ, поради сомневање дека сториле кривично дело „напад на уставниот поредок на БиХ“.
Ваквото барање било испратено откако и двајцата ја напуштиле Босна и Херцеговина, избегнувајќи ги законски пропишаните процедури за гранична контрола, а по нив е распишана централна потерница во Босна и Херцеговина.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
