Путин: Русија и Турција се договорија за укинување на серија рестриктивни економски мерки
Русија и Турција се договорија за укинување на редица мерки во економските односи меѓу двете земји, изјави рускиот претседател Владимир Путин на прес-конфренцијата одржана по средбата со неговиот турски колега Реџеп Тајип Ердоган.
- Прашавте кога може да се каже дека ограничувањата што беа донесени пред извесно време, се укинати. Тоа може да се каже денеска. Се договоривме за комплексно решение на сите проблеми, поврзани со ограничувањата. Појдовме од тоа дека сите ограничувањата ја уриваат економијата и во крајна сметка им штетат и на нашите производители, наведе Путин.
Тој посочи дека ги разгледал со Ердоган прашањата поврзани со укинувањето на ограничувањата и бариерите во трговијата, како и можноста за преминување кон порамнување во националните валути.
Путин истакна дека со решавањето на овие задачи се занимаваат активно меѓувладини комисии и вицепремиери кои се посебно овластени за тоа.
Рускиот претседател констатираше дека во текот на првите месеци на годинава е забележано мало зголемување на трговската размена меѓу двете земји за околу три проценти.
Договорено е исто така, да се забрза подготовката на договорот за услугите и инвестициите и да се доврши формирањето на заеднички инвестициски фонд во вредност од една милијарда долари.
- Една од темите на разговорот беше и енергетиката, вклучително и изградбата на гасоводот „Турски поток“, потенцираше Путин, истакнувајќи дека неговата реализација ќе овозможи значително да се зајакне енергетската безбедност на Турција и Европа и да се прошират можностите на Русија за извоз на гас.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден