ПСЖ по пенали го совлада Арсенал и ја освои Лигата на шампионите.

ПСЖ повторно се искачи на европскиот врв, откако во финалето на Лигата на шампионите на „Пушкаш Арена“ во Будимпешта го совлада Арсенал по изведување пенали.

Финалето донесе голема неизвесност и драматична завршница. Арсенал прв дојде до предност преку Каи Хаверц во првото полувреме, но францускиот шампион се врати во игра во 65. минута кога Усман Дембеле реализираше пенал за 1-1.

Бидејќи до крајот на регуларниот дел и по продолженијата немаше нови голови, победникот беше решен во пенал-серијата, каде што поуспешни беа фудбалерите на ПСЖ. Со триумфот, парижаните стигнаа до нов европски трофеј, додека Арсенал остана без долго посакуваната прва титула во најелитното клупско натпреварување во Европа.