Првиот чартер лет со американски државјани кои бегаат од Хаити слета во Мајами
Чартер лет со десетици американски граѓани кои бегаат од неконтролираното насилство на бандите на Хаити слета во неделата во Мајами, објавија американските медиуми, повикувајќи се на Стејт департментот.
Во чартер-летот имало повеќе од 30 американски државјани, се вели во соопштението на властите.
Летот пристигна на меѓународниот аеродром во Мајами откако американската амбасада во Порт-о-Пренс претходно овој месец ги повика американските граѓани да заминат „што е можно поскоро“, бидејќи Хаити е зафатен од хаос.
Главниот аеродром во Порт-о-Пренс останува затворен по нападите на бандите кои беснеат на Хаити со недели и доведоа многу луѓе на работ на глад.
Викендов, владините и хуманитарните агенции пријавија грабеж на хуманитарни резерви бидејќи ситуацијата се влошуваше.
Стејт департментот во саботата објави дека ќе понуди ограничени чартер летови за американските граѓани од помалку хаотичниот северен град Кап Хаитиен.
Официјалните лица рекоа дека не можат да обезбедат копнен превоз до Кап Хаитиен и дека граѓаните на САД треба да размислат за чартер летови само ако веруваат дека можат безбедно да стигнат до аеродромот Кап Хаитиен.
Ново на Сител
-
Кривична за разрешената в.д. организациска директорка на Токсикологија, Бесија Иљази
-
Лажна кампања за тргување со крипто валути се шири на социјалните мрежи, алармира МВР
-
На петте најдобри студенти кои завршиле медицина ќе им биде дадена шанса веднаш да се вработат во здравството
-
Во Скопје санкционирани 122 возачи
-
Приведени крадци во Кавадарци
-
Неготино со апел и понатаму да нема движење во делот зафатен од големиот пожар
-
ВМРО-ДПМНЕ: СДСМ призна дека ја задолжи Македонија до енормни граници
-
Кривична за Мерко за бесправно градење