Протестот на албанската опозиција во Тирана минува мирно
Пред зградата на Владата на Албанија во Тирана, на чија фасада се уште има остатоци од црната боја со која ја гаѓаа демонстрантите во саботата, вечерва се одржува петтиот по ред протест на обединетата албанска опозиција.
Дождот не ги спречи илјадниците приврзаници на опозицијата и незадоволни граѓани да дојдат од сите делови на земјата. Како што јави дописничката на МИА, целиот булевар „Народни херои“ е исполнет со луѓе со чадори во рацете, кои извикуваат „Рама оди си“ и „Ја сакаме Албанија како цела Европа“.
Протестот засега минува мирно, со инцидентно фрлање димни бомби и петарди.
На насобраните демонстранти им се обрати лидерот на демократите Љуљзим Баша, кој ја обвини Владата и полицијата за „примена на неконтролирана сила“ за време на протестите во саботата.
Поддржан со овации Баша повтори дека нема преговори со албанскиот премиер Еди Рама, ниту избори, туку само заминување на „криминалната Влада и балканскиот Мадуро“ и формирање преодна влада која ќе спроведе фер и демократски избори.
За безбедноста денеска се грижат околу 2.000 полицајци, а подготвени се и цистерни со вода во случај да е потребна употреба на водени топови. Во близина на местото на протестот има и повеќе противпожарни и амбулантни возила.
На протестот се придружија и жителите од населбата „Астир“, облечени во жолти елеци, чии над 300 домови треба да бидат урнати поради изградбата на голема обиколница во Тирана.
Најавено е дека овој протест од пред Владата ќе продолжи со марш до Парламентот, а потоа и до Министерството за внатрешни работи и Управата на полицискиот комесаријат на Тирана, каде ќе побараат ослободување на притворените на саботниот протест
Инаку, на протестот не присуствува лидерката на Социјалистичкото движење за интеграција (ЛСИ) и сопруга на албанскиот претседател Илир Мета, Моника Круемади, која се наоѓа во САД.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп