Македонија
7. November 2018 - 11:10

Протест денеска пред домот на Крсто Мукоски

Од партијата „Единствена Македонија“ најавуваат дека вечерва во 19.00 часот ќе одржат протест пред домот на пратеникот Крсто Муковски. Како што стои во партиското соопштение, протестот е наречен собир.

„Кризниот штаб против промена на Уставот, распуштање на Собранието и распишување на  избори „Македонија-Блокира“, денес, среда, 7 ноември 2018 ќе одржи собир пред домот на пратеникот Крсто Муковски во Вевчани во 19:00 ч“, соопштија од таму.

Инаку, пред неколку дена осумдесет и четири организации – политички партии, невладини организации, граѓански иницијативи од земјата и дијаспората потпишаа Повелба за стратешка соработка. Обединети под зборовите „Македонија блокира“, потписниците на повелбата ќе организираат протести пред Собранието на Република Македонија, пред домовите на пратениците кои гласаа за уставните измени, блокада на патишта и гранични премини и други форми на отпор под чиј притисок, како што велат, Владата и Зоран Заев ќе бидат принудени да си заминат.