Пронајден починат маж во хотелска соба

Тело на мртов маж, вчера попладне било пронајдено во една од собите во хотел покрај магистралниот патен правец Гостивар-Кичево.

Од МВР информираат дека починатиот е А.Ф. (55) жител на тетовското село Одри, кој претходно бил пријавил како гостин на рецепцијата на хотелот. Од првичните сознанија на истрагата, смртта ја констатирала екипа на итната медицинска помош која била повикана. На телото на починатиот немало траги на насилство и најверојатно се работи за последица од здравствен проблем.

По пријавувањето, полициска екипа извршила увид на местото, а случајот го презел јавен обвинител. Телото на починатиот уште синоќа дадено е на обдукција по што ќе се знаат причините кои довеле до трагичниот настан.