Проект за влашкото малцинство во Македонија, поддржан од ЕК
Центарот за интеркултурен дијалог (ЦИД) од Куманово информира дека во наредните три години ќе се спроведува проектот „КУ Тенда-приказни, слики и звуци во движење (Сеќавања од Југоисточна Европа)“.
Проектот се реализира во соработка со романскиот Национален музеј во рамки на програмата „Креативна Европа“ на Европската Комисија. Партнери на ЦИД во спроведувањето на овој проект ќе бидат организации од Италија, Романија и Бугарија.
- Целта на проектот е да се прикажат материјалните и нематеријалните наследства на малцинските групи, како и нивната поврзаност со мнозинската култура во секоја држава. Ние во Македонија ќе се фокусираме на влашкото малцинство и неговата богата културолошка традиција, и тоа посебно во овој североисточен регион со Куманово како негов најразвиен центар, соопшти Центарот за интеркултурен дијалог.
Планирано е да се одржат повеќе работилници во секоја од партнерските држави кои, како што се наведува, ќе го охрабрат меѓукултурниот дијалог преку уметност, занаетчиство, гастрономија... Проектот ќе се спроведува преку интердисциплинарен пристап со посебен фокус на културниот идентитет и нематеријално наследство, со користење на различни методи и перспективи да се зборува за минатото и да се истражуваат теми како што се етнички идентитет, културолошка припадност и колективна меморија на Југоисточна Европа.
На патувачки изложби, како во Македонија, така и во земјите на партнерските организации ќе се претставуваат уметнички производи, преку концерти на традиционална и современа музика, филм, театарски перформанси... Предвидено е да се објави публикација во која на јасен начин би се презентирале активностите во сите држави како и веб страница, која ќе има за цел полесен и побрз пристап до информации поврзани со овој проект.
Ново на Сител
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва