Продолжува кампањата за локалните избори
Политичките партии и кандидатите за градоначалници и денеска ја продолжуваат кампањата за вториот круг од локаните избори закажани за 29 октомври.
Централниот караван на СДСМ и коалицијата е со граѓаните на Кавадарци, Демир Капија, Градско и Росоман. Претседателот на СДСМ Зоран Заев и кандидатот за градоначалник на Кавадарци Бетиане Китев попладнево ќе имаат дебата со граѓаните на Кавадарци. Заев и Китев ќе ги посетат и ќе разговараат со граѓаните од урбаните заедници „Киро Крстев“ и „Слога“ во Кавадарци.
Попладне, во 17 часот, Заев ќе се сретне со жителите од општина Градско, а ќе ја посети и локацијата каде е планирана индустриска зона. Заев ќе се сретне и со граѓаните на Росоман и Демир Капија, каде во 20 часот ќе се одржи митинг.
Лидерот на ВМРО-ДПМНЕ Никола Груевски попладнево ќе оствари средби со жителите на општина Гази Баба и општина Бутел. Во општина Гази Баба ќе оствари средба со жителите на Стајковци, а потоа со жителите на Хиподром, Автокоманда и Железара.
Во општина Бутел, во 19 часот Груевски ќе се обрати на мини митингот во селото Љубанци.
Кандидатите за градоначалници на Чаир, пак, на БЕСА Зеќирија Ибрахими и на Алијансата на Албанците Чарук Авдиу учествуваа на фудбалски натпревар што се одржа на игралиште на улицата „Џон Кенеди“.
Ново на Сител
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите
-
Бугарија бара Бугари и меѓу Македонците муслимани на Косово