Привремената Влада на Грција положи заклетва
Привремената Влада на Грција, која ја предводи правата жена премиер Василаку Тану, денеска положи заклетва.
Повеќето членови на новата Влада положија религиозна заклетва пред архиеписокот на Атина и цела Грција Јероним, а министерот за финансии Јоргос Хулиракис и министерот за образование Ангелики Киау положија граѓанска заклетва.
За денеска е закажана првата седница на новиот кабинет, кој има 23 министри и заменици-министри, од кои некои како министерот за финансии беа во тимот и на претходната влада на Алексис Ципрас.
Министер за надворешни работи во новата Влада ќе биде Петрос Моливијатис, министер за финансии Јоргос Хулиракис, министер за одбрана Јоанис Јангос, министер за внатрешни работи Андонис Манитакис, за административни реформи Михалис Спурдалакис, за цивилна заштита Андонис Макридимитрис, за култура Марина Ламбраки-Плака, за правда Димитрис Папангелопулос, за економија Никос Христодулакис, за образование Фросо Киау, за транспорт Христос Зоис, за труд Димитрис Мустакас, за туризам Алкистис Протопсалти, за здравство Атанасиос Димопулос, за борба против корупцијата Панајотис Николудис, додека портпарол на Владата ќе биде Родолфос Моронис.
Се очекува денеска грчкиот претседател да го распушти Парламентот и да објави предвремени парламентарни избори на 20 септември.
Потребата од одржување предвремени избори се појави кога владејачката коалиција, составена од СИРИЗА и „Независни Грци“ го загуби парламентарното мнозинство.
Откако на 20 август кабинетот на Ципрас поднесе оставка, претседателот на државата согласно Уставот додели пробни мандати за формирање влада. Обидите беа неуспешни и претседателот ја назначи претседателката на Врховниот суд, Тану за времен премиер, кој ќе управува со земјата до изборите.
Ново на Сител
-
Меџити ја презеде функцијата министер за животна средина и просторно планирање
-
Во пожарот во фабриката за литиумски батерии во Јужна Кореја животот го загубија 22 лица
-
Нова промена на цените на горивата од полноќ
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа