Приведен криминалец баран со потерница за доиздржување затворска казна

Тетовската полиција синоќа околу 22 часот и 50 минути на крстосница од улица „Видое Смилевски-Бато“ со улица „29 Ноември“ во Тетово го привела 34-годишниот К.М. од гостиварско Дебреше, кој бил баран за доиздржување затворска казна.

-К.М бил баран по централна потерница врз основа на наредба од Казнено - поправната установа Затвор Идризово во Скопје за доиздржување на затворска казна од 2 години и 10 месеци за сторено кривично дело „тешка кражба“ по член 236 од Кривичниот законик, информираат од МВР.

Лицето било спроведено во установата за доиздржување на казната.