Приведен дрвокрадец во тетовско, следува пријава

На 23.03.2024 во 18.20 часот на регионалниот пат Тетово – Попова Шапка, полициски службеници од Полициското одделение Попова Шапка при СВР Тетово го лишиле од слобода Ш.А.(43) од с.Шипковица, тетовско, соопшти МВР.

При преглед во патничко возило „фолксваген голф“ со тетовски регистарски ознаки, кое го управувал, биле пронајдени огревни дрва з акои не поседувал документација и за кои постоои сомнение дека потекнуваат од кривично дело „кражба“.

Дрвата и возилото биле одземени за понатамошна постапка, а лицето било задржано во полициска станица. По целосно документирање на случајот, против него ќе биде поднесена соодветна пријава.