-->
-->
Прилеп го одбележува Денот на ослободувањето
-->
Прилеп денеска одбележува 71 година од ослободувањето. По тој повод изутрината делегации на локалната самаоуправа, на борците, на граѓани и партии положија цвеќиња на спомениците на Методија Андонов Ченто и на Кузман Јосифоски во центарот на градот, на Могилата на непобедените и пред споменикот во месноста Песјобрдце каде што се одвивале завршните борби за ослободувањето на градот на 3 ноември 1944 година.
Според градоначалникот Марјан Ристески, Прилеп има голема улога во народната револуција.
- Прилеп е град херој, тука почнало востанието, и дал 650 жртви, 15 народни херои и бројни дејци за незанисна и слободна Македонија, вели Ристески.
Во чест на празникот на градот, попладнево на „Патеката на славните“ на Арт плоштадот пред Домот на културата „Марко Цепенков“ ќе бидат откриени уште две ѕвезди, со имињата на актерот Благоја Спиркоски Џумерко и на музичарот Илија Јанчулески.
По повод празникот, вечер од 18 часот во галеријата на Домот на културата „Марко Цепенков“ ќе биде отворена ретроспективна изложба на уметникот Боро Митриќески, а од 19 часот во големата сала од Домот ќе се одржи свечена седница на која на заслужни прилепчани и институции ќе им бидат доделени наградите „3 Ноември“, плакети и дипломи. Наградата за животно дело годинава ја добија академските скулптори, брачната двојка Богдан Грабулоски и Виолета Блажеска. Наградата на добитниците ќе им биде врачена вече на на свечената седница.
-->
-->
-->
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден