Презентиран урбанистичкиот план за изградба на „Топлец“
Општина Дојран денеска го презентираше урбанистичкиот план за изградба на мала хидроелектрична централа „Топлец“ која ќе се гради на постоечкиот цевковод за надополнување со вода на Дојранското Езеро.
Од урбанистичкото одделение на општина Дојран појаснуваат дека со изградбата на овој ситем, освен што ќе се обезбеди потребното количество вода за полнење на езерото, ќе можат да се покријат и потребите за водоснабдување на населените места Богданци, Стар и Нов Дојран.
Малата хидроелектрична централа „Топлец“ велат од општината, претставува реализација на целите зацртани со Просторниот план на државата за рационално, целосно и повеќекратно искористување на водните ресурси. На површинскиот опфат на проектот предвидено е да се градат и објекти со комерцијална и деловна намена.
Урбанистичката документација ќе биде изложена во просториите на локалната самоуправа од каде што сите заинтересирани физички и правни лица ќе можат да подигнат анкетни листови преку кои ќе ги изразат своите мислења, предлози и забелешки.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак