Претседателот Пендаровски прими студенти од Женева
Претседателот Стево Пендаровски денеска прими група студенти од факултетите за економија и за политички науки и дипломатија од универзитетот УМЕФ од Женева кои се во студиска посета на универзитетот ФОН во Скопје.
Кабинетот на Претседателот соопшти дека Пендаровски ја претстави работата на институцијата, неговите права и должности во внатрешната и надворешната политика, улогата на Претседателот во рамки на поделбата на власта во државата, поставеноста на властите во земјава и нивните главни ингеренции, како и спецификите на нашиот политички систем.
– Претседателот Пендаровски ги запозна студентите со главните стратешките цели на државата, дефинирани уште од прогласувањето на нејзината независност, а тоа се членството во Европската Унија и во НАТО. Унапредувањето на добрососедските односи и регионалната соработка, истакна претседателот Пендаровски пред студентите, се исто така меѓу клучните цели на надворешната политика на Република Македонија, соопшти Кабинетот.
Претседателот Пендаровски ги запозна студентите од Швајцарија со реализацијата на неколку негови проекти, меѓу кои и Отворен Кабинет, како и за заложбите за носење и реализирање соодветни програми и политики за унапредување на положбата на младите и обезбедување перспективи во нивната сопствена држава.
– Студентите го информираа претседателот Пендаровски за целта на нивната студиска посета и активностите за време на нивниот престој во Скопје, се наведува во соопштението од Кабинетот на Пендаровски.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ