Премиера на претставата за деца и млади „Аладин и волшебната ламба“

Танцовото студио и портал за современи изведувачки уметности „Зодијак“ од Прилеп во соработка со Училиштето за театар „Чин 4 Сцена 5“ од Прилеп утре на пладне во Центарот за култура „Марко Цепенков“ премиерно ќе ја изведе претставата за деца и млади „Аладин и волшебната ламба“.

Режијата, костимографијата, сценографијата и кореографијата се на Кире Миладиноски. Негови се и преводот, драматизацијата и адаптацијата на македонски јазик Кире Миладиноски. Музиката е на Алан Менкен и Томе Темелкоски.

Во претставата играат Дарко Карбески, Давор Петровиќ, Елена Соколоска, Марија Димеска, Бобан Смилкоски, Анастасија Конеска, Валерија Чавлеска, Рената Трајкоска, Евгенија Кузманоска, Марија Стеваноска, Лилјана Јованоска и Деспина Башеска.

Оваа продукција е помогната од Министерството за култура и општина Прилеп, а како копродуцент е Центарот за култура „Марко Цепенков“ од Прилеп, каде работи танц студиото.