Прегазена жена во Скопје

Прегазена жена на скопските улици. Според информациите кои стојат во билтенот на МВР, вчера  околу 19 часот на улицата „Ферид Мурати“ во Скопје патничко моторно возило “Мерцедес“ со скопски регистерски таблици управувано од М.Ф.(29) од Скопје удрило во пешакот Ѓ.С.(70) од Скопје. Од незгодата Ѓ.С. се здобила со повреди и со истото возило била пренесена во Градската општа болница “Свети Наум Охридски“ каде од страна на лекар и биле констатирани тешки телесни повреди.

 

Се работи на целосно расчистување на случајот.