Пратеникот Груби на средби со претставници на НАТО и ЕУ во Брисел
Претседателот на собраниската Комисија за европски прашања Артан Груби, денеска во Брисел имаше средба со Кнут Кирстен, одговорен во политичкото одделение на НАТО за Македонија, како и со претставниците на САД, Велика Британија, Унгарија, Романија, Словенија во Алијансата.
Груби, како што информира неговиот кабинет, ја истакна неопходноста за итно членство на Македонија во НАТО и подготвеноста на властите во Скопје за сериозно и итно решавање на реформите, како прашањата со соседите.
Покрај добрососедството, Груби говореше и за посветеноста на Скопје за спроведување на реформите за да се гарантира владеење на правото во Македонија, како и за јазичната еднаквост и за други актуелни прашања.
Груби во Брисел разговаше и со Хојт Ји, заменик-помошник секретар на САД.
Тој учествуваше на тркалезната маса на тема „Западниот Балкан на крстопат: Нови предизвици, променета динамика“ што се одржува на иницијатива на „Пријателите на Европа“ и на Европскиот самит за европска политика, на која учествуваат и премиерот на Албанија, Еди Рама, директорот на Директоратот за европска соседска политика и проширување, Кристијан Даниелсон, Мишеле Гиацомели, специјален пратеник на италијанското МНР за Балканот, словенечката европратеничка Тања Фајон.
Ново на Сител
-
Сообраќајот тековно, без подолги задржувања на граничните премини
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка