Пратеници од Конзервативаната партија сакаат да ја сменат Тереза Меј | Сител Телевизија
Свет
6. October 2017 - 10:34

Пратеници од Конзервативаната партија сакаат да ја сменат Тереза Меј

Поранешниот претседател на британската Конзервативна партија, Грант Шапс, денеска изјави дека има група од 30 пратеници кои сакаат да ја симнат од власт британската премиерка Тереза Меј,  а меѓу нив има и противници и поддржувачи на Брегзит. 

Разногласијата околу иднината на Меј излегоа на виделина денеска,  откако нејзиниот говор на конгресот на владејачката партија беше прекинуван поради неколку инциденти.

Шапс изјави за радио Би-Би-Си, дека многу пратеници сакаат премиерката да поднесе оставка.

Има и поддржувачи и противници на Брегзит, кои никогаш нема да постигнат автоматски договор за кој било кандидат, и воопшто не е станува збор за кампања во полза на одредена личност, додаде тој.