Повеќе од милион евра инвестирани во капитални проекти во општина Дебрца
Повеќе од еден милион евра преку Агенцијата за рурален развој инвестирани се во капитални проекти во општина Дебрца.
При денешната посета на лидерот на ВМРО - ДПМНЕ Никола Груевски на селото Ботун од градоначалникот Игор Трајковски беше информиран дека во ова населено место инвестирани се 9,5 милиони денари од кои направено е 300 метри атмосферска канализација, поставени се тротоари во должина од 400 метри и асфалтирани се три улици во должина од еден километар.
Со средства од ИПАРД програмата преку Агенцијата за рурален развој, Трајковски информира дека е направен патот меѓу селата Злести и Лешани во должина од два километри во вредност од околу 6,5 милиони денари.
Жителите на Ботун побараа индустриска зона во општината, за што како главен проблем беше посочено недостигот на државно земјиште. По направените консулатации со владините претставници министерот за транспорт и врски Владо Мисајловски вети дека ќе помогне градоначалникот да најде земјиште за соодветна локација за изградба на индустриска зона во општината.
Граѓаните на Дебрца изразија незадоволство од ЕВН Македонија дека отстранува дел од шумите, за кои тврдат дека се во нивна сопственост.
- Пред неколку месеци ЕВН правеше траса за далековод и ги исекоа сите дрва овошни градини, борова шума која е приватна сопственост низ повеќе села меѓу кои Песочан, Злести, Ботун и Сирула. Дрвата ги растеме 30 години и доаѓа ЕВН, компанија продадена од господата од СДСМ т.н. „бизнис бонбона“, ги сече сите дрва и не ни дава никаква оштета, се пожали жител од Дебрца.
За проектот „Купи куќа за млади“ Трајковски информира дека општина Дебрца има обезбедено локација за изградба 100 куќи.
Ново на Сител
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми