Посебен самит на ЕУ посветен на Украина и последиците од руската агресија
Лидерите на земјите-членки на ЕУ в понеделник и вторник ќе се соберат во Брисел на специјален самит посветен на Украина и последиците за Русија од руската агресија врз таа земја. Украинскиот претседател Володимир Зеленски на почетокот на самитот ќе им се обрати на лидерите на ЕУ преку видео врска.
Руската агресија врз Украина ја загрози безбедноста на храната, предизвика големо зголемување на цените на енергијата и целосно ја разоткри сегашната политика на потпирање на евтината руска енергија, нафта и гас.
Европската унија досега воведе пет пакети санкции против Русија од почетокот на инвазијата на Украина, но таа е заглавена на шестиот пакет, кој предвидува ембарго на руската нафта.
Главна пречка е Унгарија, која бара ослободување од забраната за увоз на руска нафта или голема финансиска компензација за нејзината согласност за шестиот пакет санкции. Унгарија на тој начин го наруши европското единство, што се смета за еден од основните предуслови за успешно спротивставување на агресивната политика на рускиот претседател Владимир Путин.
Една од идеите што се разгледуваат е да се одвои увозот на нафта што доаѓа во Европа преку нафтоводот Дружба и нафтата што се испорачува со бродови, со што ќе се овозможи можност за земјите кои немаат излез на море уште некое време да снабдуваат нафта преку нафтоводот.
Но, засега се уште нема консензус.
Ново на Сител
-
Отворено ново студио за медиумски иновации на Правниот факултет „Јустинијан Први“
-
Конференција за европската рута на св. Кирил и Методиј во културното наследство на Скопје и Скопско
-
Кина воведе царини на европските жестоки пијалаци
-
Тешко повредено 20-годишно лице по сообраќајна несреќа во Кавадарци
-
Царинска управа: спречен обид за нелегална трговија со марихуана и лекови
-
Ја удрил со автомобил, па избегал од лице место - Тешко повредена 85 годишна жена
-
Уапсен 38 годишен косовски државјанин - Ја палел зградата на општина Тетово
-
Во четврток прва седница на ЕСС, ќе се зборува и за покачувањето на минималната плата