Пополнети 35 болнички кревети на штипското Инфективно одделение
Триесет и петте болнички кревети на штипското Инфективно одделение се пополнети. Портпаролот на Клиничка болница-Штип, Марина Шуманска вели дека на одделението се лекуваат 34 пациенти со дијагноза Ковид-19, а еден е сомнителен и се чека неговиот резултат од земениот брис. Раководството на болницата секојдневно проценува дали е потребно или не да се ослободи одделот за Неврологија, а тие пациенти да се преселат на Интерното одделение.
-Ситуацијата е таква, што пациентите кои можат да се лекуваат во домашни услови, се испраќаат дома, оние пациенти кои треба да лежат во болница се на одделението. Морам да кажам дека ситуацијата е под контрола, доколку има потреба се вклучуваат неколку кревети, кои секогаш се на располагање на Инфективното одделение, а и информирани се вработените на Неврологија, доколку има потреба да се ослободат некои простории, вели Шуманска.
На Инфективното одделение се лекуваат пациенти со коронавирусот од целиот источен регион, нивната состојба е средна, а има над пет пациенти, кои се со потешка, односно имаат потреба од повремена кислородна поддршка. Инфектологот, Дијана Шишкова за МИА вели дека секојдневно се следи состојбата и се одлучува, дали е потребно да се ослободи одделението за Неврологија во зависност од бројот на пациентите. Таква одлука денеска ќе нема, со оглед на бројот на пациентите на Инфективното одделение.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош