Поплави и снег на северот на Италија, прогласен „црвен аларм“
Обилните дождови предизвикаа поплави во северна Италија во неделата, што предизвика „црвен аларм“ во делови на Венето, Фурланија и провинцијата Болзано.
За само неколку часа пожарникарите извршија повеќе од 400 итни интервенции во Венето.
„Поради опасност од свлечишта и лавини, ги повикувам сите да избегнуваат да одат во областа Белуно“, изјави за агенцијата Анса гувернерот на регионот Венето, Лука Заиа.
Реката Панаро се излеа во Модена во Емилија-Ромања, па жителите на некои области беа евакуирани.
Жителите на тие зони беа повикани да се засолнат на повисоките катови на куќите, а засилувањата од противпожарната единица пристигнаа од Тоскана и Пиемонт.
Железничкиот сообраќај помеѓу Болзано и преминот Бренер на границата со Австрија, каде паѓаше голем снег, беше во прекин поради опасност од лавини и паѓање камења и дрвја, а автопатот А22 меѓу Випитен и Бренер беше затворен.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите