Понесете чадор: Променливо облачно со локален дожд

Времето во Македонија ќе биде променливо облачно со повремен локален дожд особено во западните и северните делови од земјата. Ќе дува слаб повремено и умерен ветер претежно од југоисточен правец.

Утринската температура ќе се движи од три до девет, а дневната од 10 до 14 степени.

Во Скопје слично време, променливо облачно со повремен локален дожд и со слаб до умерен југоисточен ветер. Утринската температура ќе се спушти до шест, а дневната ќе се искачи до 12 степени.

Викендот времето ќе биде стабилно и релативно топло. Утринските температури ќе се движат од три до девет, а дневните од 12 до 19 степени. Повеќе сонце ќе има во сабота, додека во недела ќе биде нешто пооблачно, меѓутоа ќе дува и умерен до засилен југоисточен ветер, а уште поветровито се очекува во понеделник кога ветерот ќе биде засилен и на моменти ќе надминува брзина од над 90 км/час.