Полскиот претседател следната недела во посета на Албанија
На покана на албанскиот претседател Бајрам Бегај, на 10. и 11 мај во официјална посета на Албанија ќе престојува претседателот на Република Полска, Анджеј Дуда.
Според соопштението од претседателскиот кабинет, ова е прва официјална посета на полски претседател на Албанија по 20 години.
– Претседателот Дуда во Тирана ќе допатува на 10 мај, а со сите државни почести Бегај ќе го дочека следниот ден. Двајцата претседатели ќе одржат посебна средба, а потоа ќе ги предводат делегациите на двете земји на проширен состанок, по што ќе одржат заедничка прес-конференција, наведуваат од кабинетот на Бегај, јави државната агенција АТА.
Попладне истиот ден тие ќе присуствуваат и ќе се обратат на заедничкиот економски форум што ќе се одржи со учество на стопанственици од двете земји.
Претседателот Дуда ќе биде придружуван од делегација на полски претприемачи, организирана од Полската агенција за инвестиции и трговија.
За време на престојот во Албанија, Дуда ќе престојува во кратка посета на градот Круја.
Ново на Сител
-
Комисијата нема да почнува разговори од почеток, историчарите подетално ќе разговараат во Софија
-
Тема на денот со Гордана Димитриеска Кочоска, министерка за финансии
-
Комисијата нема да почнува разговори од почеток, историчарите подетално ќе разговараат во Софија
-
Ангелов: Не може да се разговара од почеток за веќе ревидирани препораки во историската комисија
-
Муртезани: Неодбивањето на предлогот за одложено дејство на Фор дер Лајен остава простор за решение
-
Шилегов обвини дека СДСМ е заробена, партијата му одговори дека Филипче е избран демократски
-
Филков: Време е за освежување во Комисијата за помилување
-
Претседателот на ЗЕЛС ги кани на состанок Костадинов и Јакимовски